ريهام سعيد لمهاجميها: ارحمونا من أحكامكم اللي مالهاش قيمة
12:07 م - الإثنين 23 نوفمبر 2020
كتب
كرستين سامى
وكتبت ريهام سعيد عبر حسابها على موقع الصور إنستجرام :" الي بيقولوا اتغيرتي أنا طول عمري بسيطه و شايفه إن لو الحاجه مش مبتذله تبقي شيك و كل واحد حر، الصوره التانيه دي من أربع سنين و موجوده علي كل المواقع و بتنزل في كل الاخبار إيه الفرق دراعي هو دراعي والله بس تخنت عشره كيلو علي فكره ده الجينز بتاعي الي بخرج بيه و التيشرت دي من دولابي الخاص يعني لبسي، للعالم المريضه ركزوا في حياتكم يا ملايكه و ارحمونا من أحكامكم و أرائكم اللي مالهاش أي قيمه، ولا انتوا ملايكه ولا ليكوا الحق في الحكم علي الناس الكلام ده للقله القليلة المريضه اللي جواها غضب بتطلعه علي بروفايلات الناس المشاهير، مش فاهمه فكره انك تتابع و احد عشان تنتقده انت مالك".
وتابعت:" أنا بسيطه وحرة وشيك و عمري ما كنت حاجه غير كده و دي طبيعتي اللي مصدوم أكيد مش ها روح البرنامج كده لأن ماينفعش الواحد يروح البنك لو موظف بشورت ده غير إني ممثله مش إعلاميه بس، الدليل علي انكم و لابتفهموا في الدين، ولا تعرفوا إن الدين قال إن الكلمه الطيبه صدقه انتم وصل بيكم التنمر انكم بتحكموا مين داخل الجنة، ومين داخل النار، وإن تقل خيرا أولتصمت ارحمونا بقي من العقد و من قلة الأدب ناس بتبان في منتهي التقوي من ناحيه المظهر، وهي منحرفه انحراف رهيب لما مايعجبكش حد ابعد عنه، وادعيله بالهدايةمع إن مجرد انك تحكم علي حد وعلي علاقته بربنا انت الي محتاج ندعيلك بالهداية".