رد غير متوقع من عزيز الشافعي عن إنهاء التعامل مع رامي صبري

نفي الشاعر والملحن عزيز الشافعي، كلام المطرب رامي صبري، مؤكدًا أنه صاحب قرار عدم التعامل مع الأخير.

وأضاف "الشافعي"، عبر صفحته الشخصية بموقع التواصل الاجتماعي "فيس بوك"، منذ قليل: "مش هرد بالتفاصيل على كلام الزميل المحترم، عشان لما الواحد يبقى ليه فضل بعد ربنا في نجاح فنان وبيزود رصيده مع الناس، بيعز عليه بعد كده يقلل منه حتى لو تجاوز".

وتابع: "رغم إن كلامه كله مالوش أي أساس من الصحة، احب دايما اشوفه ناجح وبيكمل اللي عملناه، وبشكره على استجابته لطلبي وقراري الشخصي اللي بعتهوله الصبح من خلال صديقنا المشترك محمد حامد بإننا منشتغلش تاني ونكتفي بنجاحاتنا".

وواصل: "بعتذر للسادة الصحفيين اللي بيتصلوا بيا مش عايز ادي الموضوع أكبر من حجمه وبكتفي بالبوست ده وبالكلام المحترم اللي كتبه زميلي وشريكي تامر حسين على صفحته عن أغنية  شكرا، أما بخصوص زي مانتي في ممكن ترجعوا للصديق المشترك محمد حامد وتسألوه وشكرا لحد كدة".