عاجل | أول تعليق لـ«الشرنوبي» بعد حكم حبس سارة الطباخ

بعد أن قضت محكمة جنح الشيخ زايد، بحبس المنتجة سارة الطباخ غيابيًا سنتين مع الشغل وكفالة 2000 جنيه، لاتهامها بتبديد مبالغ مالية ضده، عبر الفنان الشاب محمد الشرنوبي، عن سعادته بهذا القرار.

وكتب "الشرنوبي"، عبر صفحته الشخصية بموقع التواصل الاجتماعي "فيس بوك"، اليوم: "الحمدلله الحق ظهر.. أنا كنت ساكت ومكانش نفسي الأمور توصل لكده وكنت مقرر إنني مش هتكلم تاني في الإعلام بس لقيت أصرار من الطرف الآخر أنه يقحم الإعلام ويشوه صورتي قدام الناس”.

وأضاف: "بس لو في حد واخد حق حد فالقانون والمحكمة قالت كلمتها.. الشركة كان صادر لها توكيل بموجب العقد اللي بيننا لإدارة أعمالي وبالتالي كانت بتتعاقد وتستلم كل مستحقاتي اللي هو الطبيعي أنها تستلم وتأخد نسبتها وتوردلي الباقي وده مكانش بيحصل".

وتابع: "الممثلة القانونية للشركة خانت الأمانة وبددت كل أموالي اللي في زمتها وأخر صلح سلمت الشركة توكيل على أساس اننا هنفتح صفحة جديدة وتعهدت أنها هتسددلي كل فلوسي اللي في زمتها وده مثبت في محضر الصلح في غرفة صناعة السينما وبالفعل نفذت المسلسل و برضه مخدتش فلوسي.. لكل شركات الإنتاج برجاء عدم التعامل مع أي جهه أو شخص غير من خلالي شخصيا وعدم الالتفات لأي تحذير أو انذارات تصدر من الشركة لأن ببساطة الهدف الوحيد هو تعطيل شغلي وتشويه صورتي والحصول على مبالغ مادية بدون وجه حق".