بعد إصابتها بالسرطان.. لينا شاكر توجه رسالة مؤثرة لمتابعيها (تدوينة)

شكرت الإعلامية لينا شاكر مقدمة البرامج بقناة النايل للمنوعات، متابعيها بسبب إرسالهم العديد من الرسائل للاطمئنان على صحتها، عقب الإعلان عن إصابتها بالسرطان.

وكتبت لينا عبر صفحتها الخاصة على "فيس بوك": صباح الفل والجمال والحب والجدعنة وكل كلمه حلوة اتكتبت وكل دعوة وكل رسالة، وكل تليفون اتعملي حقيقي  لم اكن اتخيل كل اللي حصل ده".

وتابعت:  انا كان هدفي اني اقوي كل انسان مر بالتجربه دي واديله  طاقه ايجابيه  انتوا اللي اديتوني مشاعر ما تتوصفش من جمالها، سامحوني اني مش لاحقه ارد علي الكل بس هرد ان شاء الله ، بس انا محتاجه فتره زمنيه طويله عشان اعرف ارد".

واختتمت: "بشكركم يا احلي ناس وبجد يا جماعة ان خلصت خلاص وزي الفل الحمد لله"، مستخدمة إيموجي الدعاء والقلوب.

وكانت الإعلامية لينا شاكر قد أصيبت بالسرطان.