رحمة حسن تكشف كواليس معركتها مع المنتج هانى أسامة وتدخل أشرف زكى

حرصت الفنانة رحمة حسن على شكر الفنان أشرف زكي، نقيب المهن التمثيلية على مساعدته لها طوال الفترة الماضية، ومحاولاته العديدة بأن يعيد لها حقها من المنتج هاني أسامة، بعد أن تعاونت معه في مسلسل سابع جار، ولم تحصل على آجرها الكامل، المتفق عليه في العقد.

وكتبت رحمة حسن منشورًا، عبر حسابها الشخصي بموقع تبادل الصور والفيديوهات القصيرة انستجرام، جاء فيه: كل الاحترام والتقدير للدكتور أشرف زكي على استجابته وسؤاله، وأحب أوضح أن الفلوس اللي ليا عند هاني أسامة المنتج، هي باقي أجري عن مسلسل سابع جار، كان ليا جزء كبير منها، ولجأت للدكتور أشرف في 2019، علشان يساعدني،  وحصل وأداني جزء بسيط من فلوسي.

وتابعت رحمة حسن: وبخصوص أن الدكتور أشرف طلب مني أني أروح له النقابة عشان نتكلم في الموضوع، أنا قلت له أني مش عايزة اتعبه أكتر من كدا معايا، خصوصًا أني عارفة أني مش نقابية، وأني بشتغل بتصاريح، ومش عايزة أضيع وقته، خصوصا أنه ساعدني قبل كدا.

رحمة حسن والمنتج هاني أسامة

وأضافت رحمة حسن: وكمان عشان عارفة أن هاني مش بيستجيب، عشان هو منتج فتبع نقابة تانية، وكنت عارفة أن الدكتور أشرف كلمه قبل كدا في موضوع الفلوس ده، وبرضوا محصلش حاجة، يعني لو كان عايز يدفع كان دفع من زمان، المسلسل اتذاع وخلص وهاني عمل بعده كذا عمل.

أزمة رحمة حسن

واستكملت رحمة حسن حديثها: أنا قلت للدكتور أشرف أني مش هقدر أجي لأني تعبانة،  وأني مش هاشيل البوست لحد ماخد فلوسي، لأني بحاول أجيب حقي اللي بقالي 3 سنين مش عارفة أجيبه.. شكرًا لكل حد اهتم، بس أنا حبيت أوضح إيه اللي بيحصل، وشكرًا لكل إلى ساعد واللي بيحاول يساعد، وللعلم أنا لسه ماخدتش فلوسي برضوا شكرًا،.. وأخيرًا لم أدلي بأي تصريح صحفي، ولست مسؤولة عن أي كلام يكتب بالنيابة عني.

وكانت أعلنت الفنانة رحمة حسن أن لها لدى المنتج هاني أسامة، 40 آلف جنيه، وذلك باقي أجرها من مسلسل سابع جار الذي عرض السنوات الماضية، وشاركت فيه الفنانة دلال عبد العزيز، والفنانة شيرين، مؤكدةً أنها لن تتنازل عن حقها.