كلاكت رابع مرة.. ياسمين عز تثير الجدل: " اللي بتغير على جوزها من السكرتيرة مش واثقة في نفسها "

أثارت ياسمين عز  مقدمة برنامج "كلام الناس"، الجدل بتصرحاتها في برنامج " كلام الناس "، حول علاقة الرجل بالسكرتيرة، مفادها أن المرآة التي تشعر بالغيرة تجاه زوجها من السكرتيرة، يعكس عدم الثقة في نفسها في المقام الأولي، وعدم الثقة في زوجها في المقام الثاني.

وتابعت ياسمين عز قائلة: "هناك موضوع يعانى منه الكثيرون في المنازل، وتحديدا عندما يكون الزوجان يعملان فى مكان واحد، فى هذه الحالة، يكون الرجل مظلوم، لآنه مش عارف المكان اللي هييجي له من الصداع والمشكلات، لو الراجل عامل مراته حلوة فى الشكل الكل يبص له فى الشغل، ويقول اشمعنا، ولو تعامل الزوج مع زوجته التى هى زميلته بطريق غير لطيفة، يقول الجميع، دي شكلها مطلعة عينه ومنكدة عليه و بيعاقبها".

وأضافت مقدمة برنامج " كلام الناس ": الرجل ممكن يكون عنده زميلات من قبل ما يتجوزك، ممكن يفطروا ويسلموا على بعض، مش معقول ينسى العيش والملح دة كله ويقطع علاقته بهم عشانك، خليه يهزر ويفك عن نفسه عشان الكل عارف انك مراته وتاج راسه.