روجينا عن أشرف زكي: لو فضلت أشكره طول حياتي مش هيكفي اللي عمله معايا

وجهت الفنانة روجينا، رسالة إلى زوجها الدكتور أشرف زكي نقيب المهن التمثيلية، قائلة: "لو فضلت عمري كله أشكره مش على اللي عمله معايا طول حياتي بس على مسلسل ستهم، مش هيكفي ويوفي اللي عمله".

وقالت "روجينا" خلال تصريحات تليفزيونية على قناة "تن": "أشرف زكي كان مؤمن بمشروع مسلسل ستهم وكان دافع لينا كلنا في الوقت اللي كنا محبطين وشايفين أن العمل بيضيع، هو كان بيدعمنا".

وأضافت، قائلة: "أشرف زكي دافع قوي للنجاح وداعم قوي، ولما كنت أحس بإحباط كان بيقولي هتنجحوا وتكسروا الدنيا وخليكوا في الفن وابعدوا عن المشاكل وركزوا في الفن".

وتابعت: "كل التعب اللي تعبته في المسلسل اتعوض برسالة شكر من الدكتورة مايا مرسي، لأن المسلسل كان بيوجه الضوء على قضية مجتمعية مهمة جدا وهي الميراث في الصعيد، وكنت سعيدة جدا".