أسما شريف منير عن دلال عبد العزيز:"كانت صاحبة واجب وتعلمت منها معنى الصداقة"

كشفت المذيعة أسما شريف منير، عن أنها تعلمت أشياء كثيرة من الفنانة الراحلة دلال عبد العزيز، التي فارقت عالمنا الأيام الماضية، بعد تدهور حالتها الصحية، نتيجة إصابتها بتليف رئوي حاد، الناتج عن إصابتها بفيروس كورونا.  

ونشرت اسما منير صورة لها مع الراحلة دلال عبد العزيز، وذلك عبر حسابها الشخصي بموقع تبادل الصور والفيديوهات القصيرة «إنستجرام»، وعلقت عليها، قائلة: «في الحلقة دي، اتعلمت حاجات كتير عن الصداقة، الله يرحمها كانت صديقة بمعنى الكلمة، وعرفت عنها قد إيه هي صاحبة واجب، مفيش عزاء مكنتش فيه، وعشان كده عزاءها كان مليان بناس بتدعيلها، وبتحبها بجد مش واجب وخلاص».

وتابعت اسما: «سيرتها طيبة، وده واضح جدًا للكل، بناتها شبهها طيبين، كانت زوجة، وأمًا عظيمة، وسيدة جميلة وكل الناس بتحبها، وده كلنا عرفنا من كل الفيديوهات، وكلام كل الناس عنها، كلنا هنمشي دي الحقيقية الوحيدة، لازم نفكر هنسيب إيه لما نمشي، أو إزاي ممكن الواحد يسيب سيرة طيبة عشان الناس تدعيله».

واستكملت حديثها بالدعاء للفنانة دلال عبد العزيز: «اللهم ارحم تلك النفس الطيبة، التي فارقت الدنيا وانتقلت إلى جوارك، اللهم اجعلها في الفردوس الأعلى من الجنة، ربنا يصبر الأهل كلهم.. لأنه وجع رهيب ووقت قصير، اختبار بجد صعب، ربنا يجبر بخاطرهم».