كواليس برنامج رامز جلال الجديد

كشف الفنان المصري رامز جلال عبر حسابه الرسمي على موقع التواصل "إنستغرام"، "بوستر" برنامج رامز جلال في رمضان 2024، ويحمل اسم "رامز جاب من الآخر"، والمقرر عرضه بعد أيام قليلة. 

وأكد الكاتب الصحفي محمد عاطف أن برنامج رامز مختلف تمامًأ عن المواسم الماضية.

 وقال عاطف: رامز جلال السنة دي برنامجه مختلف عن كل المواسم اللي فاتت رامز هيجيب في حلقة ضيفين مش ضيف واحد وكل واحد منهم مبيبقاش عارف مين الضيف التاني اللي معاه، بإستثناء حلقة واحدة بس اللي الضيف كان عارف مين اللي معاه عشان كانت مراته اللي معاه ودي كانت حلقة حمدي المرغني وإسراء عبدالفتاح. 

وأضاف: الضيوف مبتبقاش عارفين أن فيه ضيف تاني معاهم وفي أكتر من حلقة جابوا ناس علاقتهم ببعض فيها مش كويسة وفيه مشاكل بينهم زي حلقة أحمد السقا وباسم سمرة فادي خفاجة ومها أحمد آيتن عامر وسمية الخشاب وحسن شاكوش وريم طارق، مشيًرا إلي أن الحلقة شاكوش لم تكمل بسبب المشاكل التي حدثت عند مقابلة الطرفين.

وتابع: أبو المعاطي زكي وعبد الناصر زيدان حلقتهم انتهت بصلح بين الطرفين 

وأستكمل: فيه حلقات جابوا ضيوف مفيش بينهم مشاكل زي-حمو بيكا وكزبرة و كهربا وعبدالله السعيد

وأختتم حديثه قائلًا: فيه أكتر من ضيف أتعرض لإصابة قوية زي شيرين رضا اللي كانت بتشاركها في الحلقة بدرية طلبة واتعرضت شيرين لكسر في رجليها والإسعاف جت خدتها من البرنامج بس شيرين عملت حركة جدعنة مع رامز لما قالت مع مني الشاذلي أن الكسر كان في تصوير مسلسل وبينا ميعاد عشان متعملش مشكلة لرامز وسمية الخشاب حصلها كدمات وخدوش وأيتن عامر طلعت بكدمات و كهربا حصله كدمات في كتفه وعبدالناصر زيدان إيده اتكسرت.